روند اخذ امتحان روز اول دور دوم کانکور سال ۱۴۰۵ در (۱۷) ولایت کشور آغاز شد. صندوق‌های سؤالات این امتحان در ولایات مربوطه، با حضور مسؤولین محلی، هیئت‌های ادارۀ عمومی امتحانات، استادان ممتحن و داوطلبان باز شد. در دور دوم امتحان کانکور عمومی سال ۱۴۰۵ که از سوی ادارۀ عمومی امتحانات برگزار می‌شود، (۱۸) ولايات کشور(پنجشیر، لغمان، کندز، جوزجان، کندهار، بامیان، پکتیا، تخار، سمنگان، فراه، هلمند، دایکندی، ننگرهار، بلخ، خوست و زابل شامل می‌باشند. معلومات بایومتریک اشتراک‌کنندگان امتحان این دور، در تاریخ‌های (۲۹ و ۳۰) ماه ثور ثبت گردیده و امتحان روز اول آن امروز پنجشنبه اخذ می‌گردد. همچنان در ولایات متذکره، فردا جمعه نیز امتحان اخذ می گردد و امتحان روز سوم ولایت ننگرهار به تاریخ (۲) ماه جوزا برگزار می‌شود. ادارۀ عمومی امتحانات تمام امتحانات جمعی را بر بنیاد شفافیت، عدالت و اعتماد، با بی‌طرفی کامل برگزار نموده و نتایج آن را به‌گونه‌ شفاف، مطمئن و مصئون از هرگونه مداخلۀ انسانی اعلان می‌نماید.