امتحان روز دوم دور اول کانکور عمومی سال ۱۴۰۵ به‌گونه شفاف اخذگردید. صندوق‌های سوالات این امتحان در ولایات مربوطه، در حضور مسئولین محلی، هیئت‌های اداره عمومی امتحانات، استادان ممتحن و داوطلبان باز شد. از سوی اداره عمومی امتحانات، در امتحان دور اول کانکور عمومی سال ۱۴۰۵ ولایت‌های (میدان وردک، پروان، غزنی، کنر، بغلان، فاریاب، بادغیس، لوگر، کاپیسا، پکتیکا، هرات، سرپل، ارزگان و غور) و همچنان پنج حوزه ولایت بدخشان (فیض‌آباد، بهارک، شغنان، درواز و خواهان) شامل بوده و امتحان شان امروز به‌صورت منظم، تحت نظارت جدی و به شکل شفاف اخذ گردید. امتحان روز سوم ولایت‌های میدان وردک و کنر فردا (شنبه، ۲۶ ثور) برگزار می شود. اداره عمومی امتحانات تأکید می‌نماید که تمام امتحانات جمعی از طریق روندهای شفاف اخذ شده و نتایج آن بر اساس عدالت تهیه و اعلان می‌گردد.