امتحان روز اول دور دوم کانکور سال ۱۴۰۵ به‌گونه‌ بسیار شفاف و منظم اخذ گردید. صندوق‌های سؤالات این امتحان در ولایات مربوطه، با حضور مسؤولین محلی، هیأت های ادارۀ عمومی امتحانات، استادان ممتحن و داوطلبان باز شد. در دور دوم امتحان کانکور عمومی سال ۱۴۰۵ که از سوی ادارۀ عمومی امتحانات برگزار می‌شود، (۱۸) ولایت کشور(پنجشیر، لغمان، کندز، جوزجان، کندهار، بامیان، پکتیا، تخار، سمنگان، فراه، هلمند، دایکندی، ننگرهار، بلخ، خوست و زابل) شامل می‌باشند. در ولایات یادشده، فردا جمعه نیز امتحان اخذ می شود و امتحان روز سوم ولایت ننگرهار به تاریخ (۲) ماه جوزا برگزار می‌شود.