امتحان روز اول کانکور عمومی ۱۴۰۵ به‌گونه بسیار شفاف و منظم برگزار شد. صندوق‌های سؤالات این امتحان در ولایت‌های مربوطه با حضور مسؤولین محلی، هیئت‌های اداره عمومی امتحانات، استادان ممتحن و داوطلبان باز شد. از سوی اداره عمومی امتحانات، در دور اول امتحان کانکور عمومی سال ۱۴۰۵، ولایات (میدان وردک، پروان، غزنی، کنر، بغلان، فاریاب، بادغیس، لوگر، کاپیسا، پکتیکا، هرات، سرپل، ارزگان و غور) و پنج حوزه ولایت بدخشان (فیض‌آباد، بهارک، شغنان، درواز و خواهان) شامل می‌باشند. در ولایات مذکور، فردا جمعه نیز امتحان برگزار می شود و همچنان امتحان روز سوم ولایت‌های میدان وردک و کنر، روز شنبه (۲۶ ثور) اخذ می‌شود. همچنان امروز پنجشنبه (۲۴ ثور) معلومات بایومتریک داوطلبان حوزه‌های درواز و خواهان ولایت بدخشان ثبت شد که فردا جمعه (۲۵ ثور) امتحان شان اخذ می گردد.