امتحان جواز فعالیت طب سنتی و برنامه‌های ماستری پوهنتون بین‌المللی اسلامی افغان از سوی ادارهٔ ملی امتحانات، با شفافیت کامل اخذ گردید. افتتاح این امتحان امروز در پوهنتون کابل، با حضور نمایندگان ادارهٔ ملی امتحانات، مسؤولین و استادان پوهنتون کابل برگزار شد. اعضای شورای رهبری ادارهٔ ملی امتحانات از روند برگزاری امتحان جواز فعالیت طب سنتی و برنامه‌های ماستری پوهنتون بین‌المللی اسلامی افغان در پوهنتون کابل نظارت نمودند. به اشتراک‌کنندگان اطمینان داده شد که سوالات امتحان توسط استادان متخصص و با تجربه ترتیب گردیده و تمام معیارهای علمی و مسلکی در آن رعایت شده است. امتحان متذکره امروز پنجشنبه (۱۳ حمل) در پوهنتون کابل، در فضای کاملاً شفاف، عادلانه و به‌گونهٔ منظم اخذ گردید.