ازموینو عمومي اداره په هېواد کې د ټولیزو ازموینو اخیستلو د یواځیني ارګان په توګه تل په دې هڅه کې ده چې د ازموینو نویو تګلارو او عصري سېستمونو په کارونې او همدارنګه د بشپړې روڼتیا، ټولنیز عدالت په تامین او د شایسته سالارۍ اصل په تطبیق سره، د سالم رقابت له لارې د ټولنې مستعد او وړ کادرونه په ګوته او تحصیلي بنسټونو، علمي پروګرامونو، وظیفوي او اړوندو ادارو ته یي وروپیژني. دغه اداره په وروستیو څو کلونو کې د معلوماتي ټکنالوژۍ او نویو طرحو څخه په ګټې اخیستنې توانېدلې چې د هېواد په کچه، په کانکور ازموینو پروسه کې شته ستونزو ته ځواب ووایې او ټولې هغه ننګونې چې ازموینې یې تر پوښتنې لاندې راوستې وې او کانکور ازموینه یې د خلکو او حکومت لپاره په یوه معضله بدله کړې وه، له منځه یوسي، یادې ادارې د هېواد په کچه د ټولیزو ازموینو منظم چوکاټ په جوړولو سره وکولای شول، له هر ډول درغلیو پاکې ازموینې واخلي. د ازموینو عمومي اداره تل هڅه کوي چې د خلکو او په ځانګړې توګه د هغو ځوانانو چې تحصیلي بنسټونو او بېلابېلو علمي پروګرامونو ته د لارموندنې لپاره مبارزه کوي او همدارنګه اړوندو ادارو باور لاسته راوړي او په هېواد کې د عصري سېستمونو له طریقه د آزاد رقابت له لارې د نخبه کادرونو د ټاکنې تګ لاره عامه او ټول منلې کړي - هیأت رهبری ادارۀ عمومي امتحانات